Богд Хан уулын дархан цаазат газрын Арцатын аманд 2020 оны 04 сарын 26-ны  өдөр гарсан түймэр нийт 30 орчим га талбай хамран 4 дүгээр сарын 27 өдөр цурманд орсон ч цурмаа алдах эрсдэл өндөр байсан тул Хан Хэнтийн улсын тусгай хамгаалалттай газрын хамгаалалтын захиргаанаас 2 автомашин 5 хүний бүрэлдэхүүнтэйгээр түймрийн цурманд ажиллалаа.

      2020 оны 04 дүгээр сарын 27-ны өдөр 13 цаг 30 минутанд Арцатын аманд очиход түймэр цурманд орсон ч цурмандаа модны хожуул болон хөвдөн бүрхүүл шаталт ихтэй баруун урд талаасаа салхины эрч ихтэй зүүн тал руу алдах магадлал ихтэй байсан.

        Хан Хэнтийн УТХГ-н хамгаалалтын захиргаанаас 4 рело, 2 хүрз, хүлээгч аппарат 1,  тросон шүүр 1 тус тус багажтай ажилласан. Түймэр уулын орой болон уулын ар өндөрлөг газарт байсан нь усны асуудлыг нэн даруй шийдэх шаардлагатай байв. Хан Хэнтийн дархан газрын хамгаалалтын захиргааны дарга мэргэжилтэн нар хоёр хэсэгт хуваагдан ажилласан ба хамгаалалтын захиргааны дарга Б.Хашмаргад болон жолооч Б.Зоригтаатар А.Амармэнд нар түймэрт ажиллаж буй албан хаагчдыг зохион байгуулалтанд оруулах, шаардлагатай газарт нь усны асуудлуудыг шийдэх, хамгаалалтын захиргааны мэргэжилтэн Д.Отгонбаяр, М.Тамир нар цурманд ажиллаж асаж байгаа болон уугиж байгаа галыг унтраах үйл ажиллагаанд оролцсон.

            Богд Хан уулын дархан цаазат газар, Хан Хэнтийн дархан цаазат газарт ойн цэвэрлэгээний ажил гүйцэтгэж байсан аж ахуйн нэгжээс зил 131 авто машин гаргуулан цэнгэг усны нөөц, байгаль хамгаалах төвөөс нэг тонны 3 ширхэг сав гаргуулан ус сувгийн газраас 5 тонны усны 4 машинаар ус авчруулан зил 131 машинд 3 тонн ус ачуулан түймрийн цэгт хүргэж Хан Хэнтийн УТХГ-н хамгаалалтын захиргаанаас усны насос гарган цурмыг шөнийн 02:10 цагт бүрэн унтраалаа.