Хамгаалалтын захиргааны 6 хэсгийн ахлагчид болон байгаль орчин хяналтын улсын байцаагчдыг сэлгэн ажиллуулж хэсэг тус бүрийн ажлын ачааллыг зохицуулах, мэдлэг ур чадварыг солилцох, дадлага туршлагыг бусдад эзэмшүүлэх, ажил сайжруулах болон ашиг сонирхлын зөрчил үүсэхээс сэргийлэх

Улсын онцгой комиссын даргын 2020 оны 02 дугаар сарын 13-ны 04 тоот тушаалаар баталсан “Өндөржүүлсэн бэлэн байдлын зэрэгт хэсэгчилсэн байдлаар шилжүүлсэн хугацаанд авч хэрэгжүүлэх арга хэмжээний удирдамжын дагуу Хан Хэнтийн дархан цаазат газрын хариуцан хамгаалж буй газар нутагт хамаарах сумдын Засаг даргын тамгын газруудтай хамтран постонд үүрэг гүйцэтгэх

Хамгаалалтын захиргааны даргын 2020 оны 02 дугаар сарын 20-ны өдрийн А/17 тоот тушаалын Бурхан Халдун хайрхан болон Ононгийн халуун рашаан, бусад нэвтрэх постуудаар зорчих хөдөлгөөнийг түр хязгаарласан тушаалын хэрэгжилтийг ханган постуудад хяналт тавих зэрэг зорилгын хүрээнд Хамгаалалтын захиргааны даргын А/29 тоот тушаалаар 2020 оны 3 дугаар сарын 20-31-ны өдөр хүртэл сэлгэн ажиллалаа.

Тус сэлгэн ажилалтын үеэр БОХУБ нарын хийсэн бүтээлч ажлын талаар дурьдвал:

• Чулуут хэсгийн ахлагч БОХУБ Н.Цолмонхүү, П.Ганзориг нар Онон хэсгийн байгаль хамгаалагч Г.Энхболор Б.Болд нартай хамтран Эгийн постны галын байрыг тохижуулж, Ононгийн рашаан, Эгийн постонд мэдээллийн самбар байршууллаа

• Хэрлэн хэсгийн ахлагч БОХУБ С.Сосорбарам, Тэнүүн хэсгийн ахлагч, БОХУБ Д.Өлзийсайхан, нар орон нутгийн хяналтын постонд хаалга үүд, зуух, яндан, ор, ширээ, сандалыг шинээр байршуулж, ажлын байрыг тохижуулж гадаах болон доторх хогийг бүрэн цэвэрлэж ажиллах нөхцөлийг сайжрууллаа.

• Тусгай хамгаалалттай газар нутгийн Өлгийн постонд Хэрлэн хэсгийн БОХУБ У.Аварга, Тэнүүн хэсгийн БОХУБ Д.Энхжаргал нар хамтарч постны эргийг ухаж шинээр шат хийлээ.

• Туул хэсгийн ахлагч, БОХУБ Ж.Бекбаатар, Онон хэсгийн ахлагч, БОХУБ Д.Бат-Өлзий нар Хатангийн постны дэргэд байсан сүүдрэвчийг засварлан банзаар дээвэрлэн будаж төмөрлөсөн. Постын хажуу дахь хамгаалалтын хашааны дутуу болон хугарсан банзнуудыг будаж сэргээн засварлалаа.

• Хэрлэнгийн Цагаан аралын постонд Ерөө хэсгийн ахлагч, БОХУБ Г.Баяраа, Хойд хориудын постонд Чулуут хэсгийн БОХУБ М.Гансүх ажиллаж, Бурхан халдун хайрхан, Ононгийн халуун рашаан-д бараалхах иргэдэд хяналт тавин хамгаалалтын захиргааны даргын А/17 тоот тушаалын хэрэгжилтийг ханган ажиллалаа.

• Тэнүүн хэсгийн БОХУБ, Н.Хишигжаргал, Онон хэсгийн БОХУБ А.Өлзийжаргал нар Юүдгийн постонд гарч, Горхи-Тэрэлжийн БЦГ-ын байгаль хамгаалагч нартай хамтарсан эргүүл шалгалт хийж, модны компаниудад хяналт тавилаа.

• Мөн хэсгийн ахлагч, БОХУБ нар чиглэл чиглэлийн дагуу Тусгай хамгаалалттай газар нутагт ойн цэвэрлэгээ хийж буй компаниудад хяналт тавьж, нутгийн ойр орчимд хяналт шалгалт эргүүл хийж ажиллалаа.

• Хаврын хуурайшилт эхэлж байгаатай холбогдуулан нийт 38 айл өрхийн 192 иргэнд ойн хээрийн түймрээс урьдчилан сэргийлэх санамж, гарын авлага, мэдээлэл хийж гарын үсгийн баталгаа гаргуулж бүртгэлийн ажил хийгдлээ.