Хэнтий аймгийн Өмнөдэлгэр сумын нутаг Хан Хэнтийн дархан цаазат газар нутагт орших Ононгийн халуун рашааны ашиглалт, хамгаалалтыг сайжруулах талаар оролцогч талуудын уулзалтыг 2020 оны 01-р сарын 24-ны зохион байгууллаа.

            Уулзалтанд хамгаалалтын захиргаа, Хэнтий аймгийн Өмнөдэлгэр болон Батширээт сумдын ИТХ, Засаг даргын Тамгын газар, Онон-Улз голын сав газрын захиргаад, рашаанд бараалхаж буй иргэд оролцож рашааны нөхцөл байдалтай газар дээр нь танилцаж цаашид хамтын ажиллагааны хүрээнд авч хэрэгжүүлэх арга хэмжээг төлөвлөлөө. Үүнд:

• Рашаанд бараалхагчдын баримтлах дүрэм журмыг боловсруулан батлуулж мөрдүүлэх, олон нийтэд сурталчлах ажлыг зохион байгуулах  /Хэнтий аймгийн Өмнөдэлгэр, Батширээт сумд, хамгаалалтын захиргаа/
• Рашаанчдад хяналт тавих, үйл ажиллагааг зохицуулах үүрэг бүхий 2  гэрээт ажилтныг томилон ажиллуулах  /Батширээт сум, Хамгаалалтын захиргаа/
• Рашааны худгуудыг зуны хур борооны үерт автахаас сэргийлсэн далан байгуулах  /Онон-Улз голын сав газрын захиргаа/
• Аялагч зугаалагч нарт зориулан тусад нь худаг гаргах 
• Рашааны эрүүл ахуйн бүсийг тогтоох, тэмдэгжүүлэх /Онон-Улз голын сав газрын захиргаа/ зэрэг болно.

Оролцогчид хамтран рашаанчдын хуучин байрны дээврийг засварлах, төмөрлөх, худгуудыг лайдах помп худалдан авах хөрөнгийг шийдвэрлэж, 2-р сард багтаан хийж гүйцэтгэхээр боллоо.

            Хамгаалалтын захиргаанаас мэдээллийн самбар хийж, рашааны худгуудын хаалга, бариулыг засварлаж, ойр орчмын хог хаягдал, дуган дахь хадгуудыг цэвэрлэлээ.