ЮНЕСКО-ийн Монголын үндэсний комисс нь БСШУСЯ, БОАЖЯ, Соёлын өвийн үндэсний төвтэй хамтарсан "Дэлхийн өвийн хөдөлгөөнт сургалт"-ыг 2019 оны 10 дугаар сарын 25,26-ны өдрүүдэд Төв аймгийн Мөнгөнморьт, Хэнтий аймгийн Өмнөдэлгэр сумдад хамтран зохион байгуулалаа.
Дэлхийн өвийн газар нутгуудыг хамгаалах, ашиглах болон конвенцын тухай олон нийтэд сурталчилан таниулах үйл ажиллагааны ач холбогдлыг орон нутгийн засаг захиргаа иргэний нийгмийн байгууллага, ялангуяа дэлхийн өвд бүртгэгдсэн газар нутгуудын эргэн тойронд амьдарч буй залуучуудын дунд онцгой анхаарал хандуулах шаардлагатай болоод байна.
Учир нь тогтвортой хөгжил, тогтвортой менежментийг бий болгохын тулд менежментийн үйл ажиллагаанд шинэ арга барилын талаар ойлголт өгөх нь зөвхөн менежерүүд, мэргэжилтэнүүд бус орон нутгийн иргэдийн дунд чухал ач холбогдолтой гэснээрээ уг сургалт нь үр өгөөжтэй нийтэд хүртээмжтэй сургалт боллоо.
Дашрамд дурьдахад Бурхан Халдун хайрхан түүнийг хүрээлсэн тахилгат газар нутаг нь 2015 онд ЮНЕСКО-гийн Дэлхийн өвд Соёлын өвийн ангилалаар бүртгэгдсэн билээ.