Биологийн олон янз байдлыг хамгаалах, уур амьсгалын өөрчлөлтөнд дасан зохицох төслийн дэд төслийг хэрэгжүүлэх ажлын хүрээнд Хан Хэнтийн дархан цаазат газарт Хандгайн тоо толгойн судалгаа хийх, биологийн олон янз байдлыг хамгаалах, менежментийн төлөвлөгөөний хэрэгжилтийг хангуулах үр ашигт байдлыг дээшлүүлэх зорилгоор бүх мэргэжилтэн байгаль хамгаалагчдыг хамруулан дархан цаазат газрын гүнд нэгдсэн морин эргүүл хяналт шалгалтыг Горхи-Тэрэлжийн байгалийн цогцолбор газартай хамтран 2019 оны 10-р сарын 10-13-ны өдрүүдэд Төв аймгийн Эрдэнэ сумын нутаг Естийн рашаан дээр зохион байгууллаа.
Энэ үеэр:
• Байгаль хамгаалагчид гүний эргүүлийн замын туршид мониторингийн судалгаа хийх
• Хандгайн тоо толгойн судалгаа хийх
• Байгаль хамгаалагчдын хууль эрхзүйн мэдлэгийг дэшлүүлэх зорилгоор тестийн шалгалт авах
• ШУА Биологийн хүрээлэн хөхтөний сектораас судалгааны аргазүй, мониторинг сургалт явуулж, сургалтаа бататгаж, байгаль хамгаалагчдын дунд GPS тэмцээн зохион явуулах
• Гүний эргүүлд оролцсон бүх байгаль хамгаалагчдын дунд Хөгжөөнт тэмцээн уралдаан зохиох
• Естийн рашааны байгалийн бүтээгдэхүүн ашиглан тэмдэгжүүлэлт, хойд отог урд рашааны ойр орчмын хог хаягдлыг түүж шатаан цэвэрлэх үйл ажиллагаануудыг хийж гүйцэтгэлээ.

Нэгдсэн гүний эргүүл цугларалтаар Хэнтийн аймгийн Батширээт, Өмнөдэлгэр, Төв аймгийн Мөнгөнморьт, Эрдэнэ Батсүмбэр, Сэлэнгэ аймгийн Хүдэр, Ерөө сумын нутаг дахь хамгаалалтын захиргааны бүх байгаль хамгаалагч нар болон Горхи-Тэрэлжийн БЦГ, GIZ төслийн зөвлөхүүд, ШУА Биологийн хүрээлэн хөхтөний секторын судлаач мэргэжилтэн нэр гээд өргөн бүрэлдэхүүтэйгээр бүгд товлосон хугацаандаа бүрэн цугларч, эрсдэл аюулгүй зохион байгуулагдлаа.