2019 оны 5 сарын 20-ны өдөр Төв аймгийн Эрдэнэ сумын нутаг, Горхи-Тэрэлжийн БЦГ, Хан Хэнтийн ДЦГ-ын хилийн зааг болох Хаг, Туулын бэлчир гэх газарт гарсан ойн түймэрт 05-р сарын 20-23-ны өдрүүдэд Хамгаалалтын захиргааны Ц.Дуламсүрэн даргаар ахлуулсан 6 хүний бүрэлдэхүүнтэй баг гарч ажиллалаа. Түймэр унтраах үйл ажиллагаанд Төв аймгийн Онцгой байдлын 14 албан хаагч, Мөнгөнморьт сумын ойн ангийн 4 албан хаагч, Горхи-Тэрэлжийн БЦГ-ын 6, Хан Хэнтийн УТХГ-ын 6, Эрдэнэ сумын ЗДТГ-ын БОХУБ, цагдаа болон иргэд нийлсэн 18 хүн, нийт 48 хүний бүрэлдэхүүнтэй ажиллаж 3 хоногийн хугацаанд бүрэн унтрааж ажиллалаа.Түймэрт нийт 282 га талбай өртсөн. Түймрийн шалтгаан нь Дархан цаазат газарт нэвтрэх постоор бүртгүүлэлгүй, хууль бусаар морин жимээр Хагийн хар нуур орох зорилготой явсан морьтой иргэд гал алдсан байсныг газар дээрх анхан шатны үзлэг, эд мөрийн баримтаар тодорхойлж Төв аймгийн Эрдэнэ сумын цагдаад шилжүүлэн шалгаж байна.