Хамгаалалтын захиргааны даргын баталсан удирдамжийн дагуу Сэлэнгэ аймгийн Мандал сумын нутаг Хонин нуга дахь жодоо модны үржүүлгийн талбай, судалгааны төвд 2019 оны 05-р сарын 15-19-ны өдрүүдэд мэргэжилтнүүд, Чулуут хэсгийн байгаль хамгаалагчид, олон улсын хөгжлийн зөвлөх, орчуулагч нар ажиллаж дараахь тохижилтын ажлыг хийж гүйцэтгэлээ. Үүнд:

- Монгол Улсын Ерөнхийлөгчийн зарлигийн дагуу “Бүх нийтээр мод тарих өдөр”-ийн хүрээнд Хонин нуга дахь жодоо модны үржүүлгийн талбайд улиас, шинэс, тэхийн шээг, шар хуайс, монос, даланхальсны 2000 гаруй суулгац тарилаа. 

- Ажилчдын нийгмийн асуудлыг шийдвэрлэх ажлын хүрээнд шар, хүрэн манжин, лууван тариаллаа. 
- Хонин нуга дахь судалгааны 2 байрны дулаалгын хундаам цутгаж, хамгаалалтын хашаа барилаа. 

- Дархан цаазат газрын хил болох Хатангийн даваан дээр brandbook самбар хийж байршууллаа. 
- Хамтран ажиллагч “Панарамика жеонерс” ХХК-тай хамтран Ерөөгийн халуун рашаан, Шарлан, Хонин нуга орчмын хог хаягдлыг цэвэрлэн ангилж, зайлууллаа.