2019 оны 04-р сарын 10-ны өдөр Төв аймгийн Эрдэнэ сумын ИТХ-ын дарга А.Мөнгөнбаяр, Засаг даргын орлогч Д.Эрдэнэ-Очир, байгаль орчны хяналтын улсын байцаагч Тодгэрэл нартай хамтын ажиллагааны уулзалт зохион байгууллаа. Уулзалтаар: 
- Төв аймгийн Эрдэнэ сумын нутагт хэрэгжүүлж байгаа ойн цэвэрлэгээний ажлын сонгон шалгаруулалт, явцын байдал; 
- Минж нутагшуулах үржүүлэх төв болон ШУА-ын Геоэкологийн хүрээлэнтэй хамтран минж болон загас үржүүлгийн ажил;
- Хагийн хар нуурын батлагдсан маршрут болон бусад чиглэлд хийгдэж буй аялал жуулчлалын үйл ажиллагааны зохицуулалт,
- Отоглох хоноглох цэгийн тохижилт, баримтлах дүрэм журам; 
- Байгаль хамгаалагчдын эргүүл, шалгалтын ажил, хяналтын пост;
- 2019 онд хамтран ажиллах төлөвлөгөөний төслийг танилцууллаа.

Уулзалтын үр дүнд хаврын хуурайшилт болон бугын эвэр түүгчдийг буулгах зорилгоор ойрын хугацаанд хамтарсан эргүүл, шалгалтын ажлыг хийж гүйцэтгэх, Бэрхийн давааны замыг хаах, Хагийн хар нуур болон дархан цаазат газар нутагт аяллын үйл ажиллагаанд баримтлах дүрэм, журмыг батлуулж мөрдүүлэх зэрэг ажлыг хамтран хийхээр тохиролцлоо.