Хамгаалалтын захиргааны мэргэжилтэн Ш.Цолмон, зүүн салбарын дарга Б.Отгонжаргал, жолооч-байгаль хамгаалагч Б.Зоригтбаатар, нар 2019 оны 03 дугаар сарын 20-ны өдөр Төв аймгийн Мөнгөнморьт суманд ажиллалаа. Хийж гүйцэтгэсэн ажлаас: 
• Сумын ИТХ-ын 2018 оны 11 дүгээр сарын 29-ны өдрийн 43 дугаар тогтоолоор шинэчлэн байгуулагдсан орчны бүсийн зөвлөлийн анхдугаар хуралдаанд оролцлоо. Хурлаар: 
- Орчны бүсийн зөвлөлийн дарга, нарийн бичгийг шинээр сонгох, гишүүдийн ажил үүргийн хуваарь, үйл ажиллагааны зардал болон
- 2019 оны ажлын төлөвлөгөөг 6 зорилт 16 арга хэмжээг хэрэгжүүлэхээр хэлэлцэн баталлаа. 
• Хэрлэн хэсгийн мэдээлэл сургалт сурталчилгааны төв болон Хойд Хориуд, Цагаан аралын постонд байршуулах галын багаж хэрэгсэл болох тросон шүүр, цохиур, үлээгч аппарат, хүрз, жоотуу, анхны тусламжийн хайрцаг зэргийг хэсгийн ахлагч С.Сосорбурам, мэдээллийн төвийн эрхлэгч С.Баярцэнгэл нарт хүлээлгэн өглөө. 
• Мөн ИТХТ-ын дарга, цагдаагийн хэсгийн төлөөлөгч нартай уулзаж хаврын хуурайшилтын үе эхэлсэн, хуурайшилт их байгаатай холбогдуулан хамгаалалтын захиргааны даргын 2019 оны А/20 дугаар тушаалаар дархан цаазат газарт нэвтрэх аяллын бүх үйл ажиллагааг хориглосон тухай мэдээлж, бугын эвэр түүж, бэлтгэхээр ууланд явагчдыг хориглох, эвэр худалдан авч байгаа хүмүүст арга хэмжээ авах талаар хамтран ажиллах санал тавьж, Байгаль орчин, аялал жуулчлалын сайдын 2017 оны А-97 дугаар тушаал, Цагдаагийн ерөнхий газрын Мөрдөн байцаах албаны хамтран ажиллах талаар ирсэн албан бичгийг тус тус танилцууллаа.