2019 ОНЫ 03-Р САРЫН 11-13-НЫ ӨДРҮҮДЭД ХАМГААЛАЛТЫН ЗАХИРГААНЫ БҮХ АЖИЛЧИН АЛБАН ХААГЧДЫГ ЦУГЛУУЛЖ, НЭГДСЭН ЦУГЛАРАЛТ УУЛЗАЛТЫГ ЗОХИОН БАЙГУУЛЛАА.

• 03-р сарын 11-нд хамгаалалтын захиргааны дарга мэргэжилтэнгүүд, 6 хэсгийн байгаль хамгаалагч, мсст-ийн эрхлэгч нарын 1 улиралд хийсэн ажлын тайлан гүйцэтгэл, хийсэн ажилтай танилцан, биелэлтийг дүгнэлээ.

• Энэ өдөр мөн нийт ажилчин албан хаагчдыг чингэлтэй дүүргийн эрүүл мэндийн төвд хачигны вакцинжуулалтанд хамрууллаа. 
• 03-р сарын 12-нд тусгай хамгаалалттай газар нутгийн тухай хуулийн 31 дүгээр зүйлийн 5 дах, 32 дугаар зүйлийн 2 дах заалт, байгаль орчныг хамгаалах тухай хуулийн 29 дүгээр зүйлийн 1 дэх хэсэгт заасныг үндэслэн байгаль хамгаалагч нарыг галт зэвсэг өмчлөх, эзэмших эрхийг олгох үүднээс иргэний болон харуул хамгаалалтын зориулалттай галт зэвсэг, эзэмших, ашиглах, хадгалах, аюулгүй ажиллагааны сургалтанд байгууллагын нийт 33 албан хаагчдыг тус өдөр цег-ын цагдаа дотоодын цэргийн сургалтын нэгдсэн төвийн нарстай полигон дээр амжилттай зохион байгуулан Галт зэвсэг эзэмших, ашиглах эрхийн гэрчилгээг олголоо. 
Сургалтаар: иргэний болон харуул, хамгаалалтын зориулалттай галт зэвсэг эзэмших, ашиглах, хадгалах, аюулгүй ажиллагааны талаарх хууль эрх зүйн тухай сэдвээр цагдаа дотоодын цэргийн сургалтын нэгдсэн төвийн сургалтын хэлтсийн чиглэлийн ахлах мэргэжилтэн цагдаагийн хошууч ч.Отгонбаяр,
Цагдаа дотоодын цэргийн сургалтын нэгдсэн төвийн эмч, цагдаагийн дэд ахлагч Х.Баатаржалбуу Сэхээн амьдруулах суурь тусламж, цус тогтоох, гарын доорх материалыг ашиглан гэмтсэн иргэдэд тусламж үзүүлэх арга ажиллагааны тухай, амилуулах суурь тусламжийн талаар албан хаагчдад бодит байдлаар,
Хээрийн сургалтын хэсгийн дарга, цагдаагийн дэд хурандаа Ц.Дашдэмбэрэл галт зэвсэгтэй харьцах сэтгэл зүйн бэлтгэл, буудлагын шагайвар хийх дадлага сургуулилт, буудлагын үеийн аюулгүй байдлыг хангах, олон улсад үйлдвэрлэгдсэн галт зэвсгийн төрөл, аль улсад үйлдвэрлэгдсэнийг хэрхэн мэдэх, галт зэвсэгтэй хэрхэн харьцах, аюулгүй болгох талаар тайлбарлан үзүүлэх сургуулилалт хийх талаар тус тус сургалтуудыг заалаа. 

• 03-р сарын 13-нд Тусгай хамгаалалттай газар нутгийн Орчны бүсийн нутгийн иргэдэд түшиглэсэн аялал жуулчлалыг хөгжүүлэх төслийн зөвлөх Маркус Рожер Феш, туслах Б.Цогт-Анар нар Тусгай хамгаалалттай газар нутгийн аялал жуулчлал, эко аялал жуулчлалыг хэрхэн зөв хөгжүүлэх тухай байгууллагын нийт албан хаагчдад сургалтыг зохион байгууллаа.
• Мөн хамгаалалтын захиргааны дарга Б.Хашмаргад, мэргэжилтэн нар, 3 өдрийн сургалт ажлыг дүгнэж, 2019 оны байгаль хамгаалагчдын үр дүнгийн гэрээг байгуулан цаашид хийх хэрэгжүүлэх ажлын талаар чиглэл зөвөлгөөг өгч, ажиллалаа.