Захиргааны даргын баталсан удирдамжийн дагуу 2018 оны 03 дугаар сарын 01-05-ны өдрүүдэд Хэнтий аймгийн Өмнөдэлгэр, Батширээт сумдад ажиллаж дараахь ажлуудыг хийж гүйцэтгэлээ. Үүнд: 
- Өмнөдэлгэр сумын Засаг дарга Б.Эрдэнэбаатар, Батширээт сумын Засаг дарга М.Болд нартай уулзаж 2018 оны хамтын ажиллагааны төлөвлөгөөний биелэлтийг танилцуулж, 2019 оны төлөвлөгөөг баталлаа.
- Хэнтий аймгийн Өмнөдэлгэр сумын сум дундын ойн ангиас зохион байгуулж байгаа “Ойн ашиглалт хяналтыг сайжруулахад талуудын оролцоо“ сэдэвт зөвлөгөөнд оролцож тусгай хамгаалалттай газар нутагт хийгдэж буй ойн цэвэрлэгээний ажлын явц, үр дүнгийн талаар танилцуулга, мэдээлэл хийлээ. 
- Хэнтий аймгийн Өмнөдэлгэр сумын орчны бүсийн зөвлөлийн хуралд оролцож гишүүдийн ажил үүргийн хуваарь, зөвлөлийн 2019 оны ажлын төлөвлөгөө боловсруулж, орчны бүсийн сангаас олгогдсон зээлийн эргэн төлөлтийн байдлыг дүгнэж, цаашид авч хэрэгжүүлсэн арга хэмжээний санал боловсрууллаа. 
- Хаврын хуурайшилтын үе эхэлж байгаатай холбогдуулан гал гаргахгүй байх баталгаа гаргуулсан бүртгэлийн дэвтэр, галын баталгааны хуудас, галын санамж, танилцуулга зэргийг байгаль хамгаалагчдад тараан өглөө. 
- Байгаль хамгаалагчийн хяналтын постын үйл ажиллагаатай танилцаж, гал унтраах багаж хэрэгсэл болох галын цохиур, тросон шүүр, үлээгч аппарат, сүх, жоотуу, анхан шатны тусламжийн хайрцаг зэргийг постуудад байршууллаа. 

- Байгаль хамгаалагчдын ажил байдалтай газар дээр нь танилцан, хаврын хуурайшилтын үе эхэлж байгаатай холбогдуулан бугын цусан эвэр түүж бэлтгэхийг хориглосон тухай Байгаль орчин, аялал жуулчлалын сайдын 2017 оны А/97 дугаар тушаал хүчин төгөлдөр мөрдөгдөж буй тул ойд эвэр түүхээр явагчдыг хориглох, орчны бүсийн айл өрх бүрт гал гаргахгүй байх баталгаа гаргуулах, хариуцсан постод хуваарийн дагуу тогмол эргүүл, хяналт шалгалтын ажлаа эрчимжүүлэхийг үүрэг болголоо. 
- Төрийн албаны тухай шинэчилсэн хууль хэрэгжиж эхэлсэнтэй холбоотойгоор шинээр батлагдсан дүрэм, журмыг танилцуулж, байгууллагын хөдөлмөрийн дотоод журмын төслийг танилцуулан санал авлаа. 
- Мөн Батширээт сумын мэдээлэл сургалт сурталчилгааны төвийн эрхлэгчийн ажлыг хүлээлцлээ.