Их Эзэн Чингис хааны мэндэлсний 856 жилийн ой, Монгол Бахархалын өдөр 2018 оны 11-р сарын 08-ны өдөр тохиож байна. 

Билгийн тооллын өвлийн тэргүүн сарын шинийн нэгэн Их Эзэн богд Чингис хааны мэндэлсний ойг  тохиолдуулан  Засгийн газрын 2013 оны 11-р сарын 02-ны өдрийн  364 дүгээр тогтоолоор төрийн тахилгат болон бүх цэргийн хар сүлдний тахилгат Бурхан Халдун уулыг Монголын ард түмний сүлд хийморийн бэлэгдэл “Үндэсний Бахархалт  хайрхан”-аар өргөмжилсөн.

ЮНЕСКО-гийн Дэлхийн өвийн хорооны 39 дүгээр чуулганы 2015 оны 07 дугаар сарын 04-ний  өдрийн хуралдаанаар  Бурхан халдун уул, түүнийг хүрээлсэн тахилгат газар нутаг” гэж Дэлхийн соёлын өвд бүртгэсэн билээ.  

Монгол Улсын Засгийн газрын 2018 оны 10-р сарын 03-ны өдрийн 299 дүгээр тогтоолоор Бурхан Халдун хайрханы хамгаалалтын асуудлыг Хан Хэнтийн улсын тусгай хамгаалалттай газрын хамгаалалтын захиргаанд хариуцуулсан билээ.